United States don move dia embassy wey dey Israel to Jerusalem today, Monday after Trump make Jerusalem di capital of Israel for months wey don pass, and e dey cause kasala, Palestinian gbege and ogbonge tuale from Israelis on top President Donald Trump’s decision wey air bin dey blow for plenty years.
As e dey now, White House pipo and Israeli officials don standa and gather for di inauguration ceremony Monday afternoon, and plenty Palestinians dey plan to protest for Gaza border wey dem get with Israel and plenty places.
Di tori be say Gaza go protest for where wey dey 100 kilometres (60 miles) away from Israel and e go dey deadly if Palestinian pipo try to damage or cross di fence wey dem get with Israeli as snipers don positioned for other side.
Di inauguration follow Trump’s December 6 recognition,as him make Jerusalem Israel capital wey bin don get wahala for many years.
E follow di announcement wey Trump bin announce last week say, United States dey withdraw from Iran nuclear deal and Israeli come attack dozens of Iranian targets for Syria.
Wetin cause di strikes na based on di rocket wey Iran bin fire to Israeli forces for di Golan Heights wey Israel dey, and dem come plan am on Iran.
Di Trump administration don swear with dia last blood say dem go start di moribund Middle East peace process but di embassy move don put fire across di world.
On Sunday, Al-Qaeda leader Ayman al-Zawahiri release new message wey him talk say, di decision wey America don do be evidence wey show say di negotiations and “appeasement” don fail yakata for Palestinians as him tell Muslims to start dey kill United States pipo.
Him talk am say: Trump “dey clear and explicit, and him kom reveal di true face of di modern Crusade, as to dey stand down and beg nogo work with dem again, but na to fight back try di call and to dey cut Americans head wey be jihad,” Zawahiri talk am based on transcript wey SITE monitoring agency give.
Di Monday inauguration ceremony by 4:00 pm (1300 GMT) go include plenty 800 guests — but Trump himself nogo attend — for di thing wey go be US consulate building in Jerusalem.
US Deputy Secretary of State John Sullivan go carry di Washington delegation wey Trump’s daughter Ivanka and her husband Jared Kushner, wey dey work for White House , and also Treasury Secretary Steven Mnuchin.