As Wizkid win MOBO Award, Goodluck Jonathan, Senator Ben Bruce And Atiku Abubakar don send messages give Wizkid for di matter.
Plenty people for social media wey include some big politicians inside Nigeria don begin dey react on top di awards wey Wizikid win.
Person wey bin be President for Nigeria, Goodluck Jonathan, person wey bin be vice president, Atiku Abubakar and Senator Ben-Murray Bruce don send message give Wizkid as him win Best International Act for di 2017 MOBO Awards.
Di MOBO Awards stand for “Music Of Black Origin” and dem dey organise am every year and dey use am di recognise artists wey come from any ethnicity or nationality wey dey perform and dey sing black music.
Wizkid beat top international artist like Jay-Z, Cardi B, Kendrick Lamar and others to collect dis ogbonge award on Wednesday.
As e be, people no fit hide di happiness wey dey dia belle wen dem hear di good news. Na so many people for Nigeria, Africa and all over di world go social media to show how di news make dem proud.