Senate President, Dr. Bukola Saraki,don talk say na God make Goodluck Jonathan president before and say no be Goodluck Jonathan fight for di power and make himself president.
Him talk am on Thursday for Abuja for where dem launch di book wey dem call , “On a Platter of Gold: How Jonathan won and lost Nigeria,“ wey National Publicity Secretary for All Progressives Congress, Mallam Bolaji Abudullahi write.
Saraki, wey be chief host for di occasion talk say “Na country dey produce di kind of leader dem wan get .’’
Him talk again say,
“I think na we Nigerian people dey produce di kind leader wey we dey get ;nothing you fit talk about Jonathan go make me believe say him dey desperate for power.”
“Him come add for him talk say Jonathan “Jonathan Bin No prepare for president and him become president based on (Misfortune for Fortune .“, and him come talk say, him no dey find power with all means.
Saraki talk say e dey pain am well well say Nigerian people no wetin dem suppose do but dem no dey do am based on say dem like dey play games for politics wey no get head.
Saraki, talk say di book go dey good for Nigerians and say Nigerians go like am well well. Him come use di time tell dem how him relate with Goodluck Jonathan .
Di Senate President talk say,
, “Make i tell una one thing wey go summarise Goodluck Jonathan. I remember wen I bin be PDP Senator and i come meet dis fuel subsidy wey bin dey make Nigeria lose N1.3tn.
“For di history wey Nigeria don get for dis life. I never see corruption wey resemble fuel subsidy. I bin wan tell Senate but I no do am again based on say, i bin be PDP Senator and i decide to tell Mr president, as e go make us put our heads together and chook minds for di matter .”
I get appointment with Mr president and go meet am with paper .
“U start dey tell am say, na people bring di petroleum products enter Nigeria. I tell am say, Mr. President, ase bin dey , people bin dey get award letters from NNPC to bring in PMS, DPK, wey bin dey help dem make 10, 20 per cent profit. I tell am say sir, dem don carry dis matter go another level now, and if dem get order to bring in fuel, dem nogo want to make di 10 or 20 per cent again .
“Dem go get offer to bring 20,000 litres and dem go bring in 5,000 litres and stamp am 20,000 litres, and instead dem go make 10 per cent; dem go make di 10 per cent times ten . I tell Goodluck Jonathan, and di only thing wey him tell me be say, Mr Senate, you know dis oil business dey oily”’
“Na dis thing make me de surprise and dey respect am till today “.
Saraki come decide say Goodluck be dis kind of person wey no wan wahala for him life .
“Di second time wey I bin don relate with Goodluck be di time I wan contest for president, and i bin no wan make Goodluck hear di thing as news”
“I come book appointment to see am . I come go Aso Villa and him tell me say ‘come in, come in. how i go help you? I look at president for third world country and i tell am say, Mr. President I wan tell you say I go contest for your seat “.
“Jonathan come look me and him tell me say, good luck, good luck.’ If na another person wey no be Goodluck, i nogo leave dat Aso Rock, but na wetin show di kind person Goodluck Jonathan be ”
Di Governor for Borno State, Kashim Shettima, wey be chairman for di occasion talk say open him mind well well do better things and show people wey follow am for di government love. .
Abdullahi come talk say, make di people wey get bad belle account for Goodluck go write dia own account.