Person wey bin be President of Nigeria ,Goodluck Jonathan go lead Elder statesmen wey come from Niger Delta for rally on top restructuring on Saturday, March 24, 2018.
Di matter be say di rally go be massive rally Wey him wan use seek for restructuring of Nigeria as federation.
Other prominent leaders wey dey Niger Delta wey go follow for di rally include Chief AK Horsfall, King Edmund Dakuru, and Chief Edwin Clark.
Di rally wey Edwin Clark initiate and na Pan Niger Delta Forum dey lead am go happen for Bayelsa state capital Yenagoa, based on statement wey dia Publicity chairman of for di rally Chief Thompson Okorotie sign.
Him talk say “all present and past Governors wey dey South-South region, and people wey dey serve and ministerd and members of boards wey dey serve and others wey no dey serve again and parastatals go join di rally.
Him tell Afenifere, Ohaneze Ndigbo, Arewa Consultative Assembly, Middle Belt Forum, clergy, traditional rulers, leaders and elders wey dey dia country, youth, women groups and general public to follow for di event.”
Okotie come tell general public say make dem start dey ask for restructuring now based on say tomorrow go dey too late.
Him come talk say, di rally be wetin dem wan use ask for restructuring as 2019 general election is go be referendum on restructuring.