Home / Events / GOV.UDOM WAN LAUNCH AKWA IBOM STATE NEWMAP FOR UYO

GOV.UDOM WAN LAUNCH AKWA IBOM STATE NEWMAP FOR UYO

Di person wey be Akwa Ibom State Governor, Deacon Udom Emmanuel don plan well well to launch di Akwa Ibom State Nigeria Erosion and Watershed Management Project –NEWMAP tomorrow Tuesday wey be October 31, as dem wan flag-off for him emergency intervention for Etim Umana erosion site, off Nwaniba road, Uyo, by 10am.

 

Based on di statement dem give planet fm, wey di Akwa Ibom State Project Cordinator, Dr, Ubong Harrison sign, dem talk say, dem go launch di NEWMAP tomorrow and dia State Commissioner for Environment and National Resources, Dr Inionbong Essien and di NEWMAP Task Team, Dr Amos Abu,and other people wey get mouth for Akwa Ibom State and dia commissioners , go follow launch di thing based on di begging wey dia state government beg World Bank say, make dem help dem for wetin dem call – emergency palliative measures, as dem go wait for di time wey World Bank go do di one wey go dey kakaraka and go dey permanent.

NEWMAP, be wetin Akwa Ibom State government wan use control erosion and gutters wey water don dig deep for roads wey World Bank dey support and dey give money for am, and global environment facilities, and also for special climate change, as e go stop water to dey carry dia soil anyhow and dey create gutters and dey dig dia soil deep for dia roads, based on say, NEWMAP  be dia Development objectives wey be wetin dem wan achieve for di State.

Di NEWMAP Project for Nigeria bin start before, for 7 states wey include Abia, Cross River, Edo, Enugu, Ebonyi, and Imo and as e dey now, e don reach 12  states wey Akwa Ibom State follow for di programme.

 

For interview wey Planet fm do for di place dem go launch di NEWMAP, di Commissioner for Environment, Dr Iniobong Essien, come talk am well say, di flag-off dey important as dis NEWMAP dem wan launch, be di first time dem go do am, since Akwa Ibom State don dey for dia life – history wey don make emergency provision to land for dia place and e don start already.

Di commissioner give Tuale to World Bank people for how dem take answer dia call for di matta wey dey disturb dia state wey be erosion and other plenty things wey we don mention before for dis tori.

If you get tori for your side, 

Send am to: 07037541935-whatsapp (Faithful). 

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

MMM NIGERIA : Today Don Make Am One Year Dem Carry People Money Run

Today don make am one year now wey MMM carry Nigerian people money go enjoy. …

Leave a Reply

Your email address will not be published.