Gunmen wey people dey suspect say dem be armed robbers don attack and shoot one AIT reporter wey be Africa Independent Television, Miss Onisofie Owei, in Bayelsa State.
Dis people wey attack dis broadcast journalist on Friday night in Edepie area for Yenagoa, wey be state capital, also carry her mobiles and other plenty valuables things comot.
Owei, wey be journalist dem attach to Bayelsa State Government House, receive di attack as she dey go her house from church service wey Living Faith Church, wey dem dey call Winners Chapel organise.
Di tori carry say, di Armed Robbers shoot Owei for her back after dem collect her phones, handbag and leave her inside pool of blood.
Na person wey get good mind like Good Samaritan and wey be wife for one journalist wey dey work for national newspaper land for di scene and carry di woman to Tobis Hospital wey dey Yenagoa and she no even know who di woman be. People Nwey be journalists for Nigeria Union of Journalists, Bayelsa State chapter, after dem visit dia State Government House hospital, where di lady carry am go , say she dey for critical condition and never talk since Friday.
Di person wey be talk talk person for Bayelsa State Police Command, Mr. Asinim Butswat, don confirm di matter .
Butswat talk say, police police don start investigation into di attack immediately dem hear about am.