Prime Minister for Israel, Benjamin Netanyahu don give United States President Donald Trump Tuale based on say, him don recognise Jerusalem as Israel capital on Wednesday wey be “historic” and something for person wey get mind do – “courageous and just decision”.


Netanyahu also talk say, no change for di recognition on top Jerusalem holy sites wey dey sensitive for di city sacred to Jews, Christians and Muslims.

“Dis one na historic day ,”na wetin Netanyahu  talk for video message dem release immediately after Trump talk am .


“Jerusalem bin be capital for Jewish people wey don dey 3,000 years. Jerusalem bin don be Israel Capital for something wey reach 70 years … Jerusalem be our hope , our dreams, our prayers for three millennia.”

“We dey proud say dis US president get mind and courage and and better mind to recognise Jerusalem as  capital for Israel and as dem go prepare to open US embassy here.”

Netanyahu tell di countries wey dey find peace say, make dem join United States and  recognise Jerusalem as Israel capital and to move dia embassies here”.




Please enter your comment!
Please enter your name here