Hitler Don dey make people wey dey answer same surname to dey get bad mind from people wey still dey fear Di first person wey been answer Di name. 

Governor Simon Lalong for Plateau State, wey dey north central Nigeria don  plan to put  one of him new state commissioners  person wey dey answer ‘Hitler’for him government.

Di governor don submit di names of 19 people for confirmation for di Plateau State House of Assembly.

One of di names wey di Speaker of di House announce say dem go torchlight for di list na one Hitler, wey him full name na Hilter Dadi.

Hitler Dadi no be newcomer for government work, him na di former Plateau State commissioner for special duties.

Dadi no get any connection with di popular Adolf Hilter wey carry Germany enter World War II for 1939 – 1945.

Based on di bad-bad things  wey Adolf Hitler do for dat war, wey include di way dem kill more than six million Jews, di name no too common again for Germany after di war.

Even di men for di Hitler family wey survive di war, agree say dem no go marry or born pikin based on say  dem wan put full-stop to Hitler blood.

By Tuesday February 27, di lawmakers go begin check di candidates for Plateau State.


Please enter your comment!
Please enter your name here