Naija instagram big boy wey dey live for Malaysia, Hushpuppi fire back him follower as she talk say she wan know as him dey take make him money.
The babe wey get the Instagram handle @bwowed, wey no like as him dey spend money anyhow, see him post as him talk say before him be poor piki
n with big vision.
She come answer am say, “No vex o, Pardon my manners but one day we go know as you take make this your money. We know say na Dangote get Dangote cement, sugar, and plenty other things. Otedola get forte oil. Tony Elumelo get UBA and him come be person wey dey give to the society. So wetin you dey do exactly? How the poor kid just take rich like that? I just be Nigerian wey wan know o”.
Hushpuppi come vex answer the female follower for Instagram say :
“First, before you chook your yeye mouth for another person matter, person wey you no even know at all, you no ask where your President dey? You no ask yourself why you still poor? Continue to dey beg for pardon up and down for that yeye manners wey you get. Mrs I too know”.