Home / News / I DEY HAPPY SAY JONATHAN BIN SACK ME – FARIDA WAZIRI

I DEY HAPPY SAY JONATHAN BIN SACK ME – FARIDA WAZIRI

Before-before EFCC Chairmo, Mrs Fariza Waziri don come out talk sey she dey happy sey former Presido Goodluck Jonathan bin sack am comot for office.

She talk sey for if to say dem no sack am, by now dem for don dey probe am cos of d kind corruption wey bin go on for Jonathan regime.

Waziri talk sey during Jonathan regime dem bin no give EFCC free hand make dem for take operate and she notice dis one first for d fuel subsidy scam.

She talk sey na when she no go gree comot eye for d one of d people wey get hand for d fuel subsidy scam na imm make Jonathan sack am. She talk dis one for one event wey she bin attend for Lagos last weekend. 

She follow talk sey na when she bin wan talk wetin she notice na imm make dem sack am and sey she just happy sey all dis tins no happen when she dey derr cos d tin for tell on am wella.  

If I see Jonathan today like dis, I go kneel down thank am wella as him sack me at dat time.

Waziri talk sey na when she come Lagos cos of tip off wey she bin get to come arrest one culprit, na imm she get call from Presidential villa sey make she release am sey na dia own person be dat and when she no gree, na imm dem sack am.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Fulani Herdsmen Don Kill Another Six People For Benue

Fulani herdsmen Don kill another six people for Benue communities. Dis attack happen for  communities …

Leave a Reply

Your email address will not be published.