Home / Politics / I GO DEFEAT BUHARI FOR 2019 – ATIKU

I GO DEFEAT BUHARI FOR 2019 – ATIKU

Former Vice-Presido Atiku Abubakar, wey be sey e never tey wey him resigned as member of d All Progressives Congress, don kom talk say him go defeat Buhari should if him try contest against am for 2019 presidential election.

Dem quote Atiku as him yan dis one for interview wey him bin get with Dele Momodu, wey be part of him weekly column wey title, ‘Pendulum’, published for The Boss Magazine.

Him say as Naija take be now ehn, plenty plenty people don dey free diaselve from d Buhari government and say him (Atiku) go defeat am for d election.

Him yan say;, 

“I go definitely beat am dis time. Him don waste plenty of him massive goodwill. A lot of people don tire but dey just dey keep quiet, dey lie low. Our youths dey suffer terribly. Dey don even start to dey sell dem as slaves.

“Everybody know my track record say I dey invite and attract good team and I dey give dem d opportunity to work professionally. Naija people don tire for leaders wey no fit think big and work big.”

Atiku still dey insist say him never join any political party, him kon talk say d leaders of Peoples Democratic Party dey mount pressure on am to join d party. 

Him say d only way d PDP go dey able to restore dia faded glory na to pick formidable candidate.

“Nothing dey absolutely certain for dis life, but PDP need candidate wey get d brightest chance and dat one fit only come from person wey get major experience, exposure and knowledge about how to run economy; wey be nationalist and not sectionalist and wey him brand no fit dey intimidated in anyway by dat of d current President.

“If PDP pick weak candidate, den d party don enter yawa be dat. Some of dem, wey dia names don dey touted and bandied about, never grow beyond dia immediate domains,”

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

See Wetin One Woman Do Her Sister Based On Say She No Gree Stop School For Her Pikins

One person wey dey Facebook, wey dey answer, Oshanor John, don post one picture wey …

Leave a Reply

Your email address will not be published.