Anambra Governor, Chief Willie Obiano don yarn say him no dey comfortable again for the November 18 Governorship election for Anambra state.
Him yarn say , him life no dey safe again as far as d election dey concern, base on say dem don comot security wey dey follow am waka.
Oga Obiano yarn dis one when dem been meet with every body wey election concern wey Independent National Electoral Commission been organise.
Oga Obiano talk say, him no go accept dis kain tin, lai-lai, as e no make sense.
Oga Governor come ginger make dem return him security people give am, if not d matter fit make things worse as e be now
We no go accept dis kain thing sam-sam, anybody hand wey dey inside dis thing go see am , base on say we dey ready for this election.
Base on how things be, the governor been wan speak with Number1 Oga kpata-kpata for police wey suppose dey the meeting, but aas him no see am & him no know when him go show, him decide to para make everybody hear am.
The Governor even complain say dem no fit even recognize am small for the meeting as him waka enter.
The overall Oga for INEC, Prof. Mahmood Yakubu come talk say , the event na just meeting wey dem get with people wey election consign, as d matter be, no body fit get any special hailing, e no matter who him be.
Oga for INEC still yarn say , dem no wan give anybody special treatment for this election, as dem wan make everybody dey equal.
PROJECT TOPIC & MATERIAL: AN APPRAISAL OF THE ROLE OF INEC IN THE ELECTORIAL PROCESS
Overall Oga for Police, Oga Idris Mohammed yarn say Police comot all security people wey dey follow politicians dey waka base on how things dey happen as police people dey work for person wey dem dey with.
Him yarn say, for election day, no body go fit waka, say every where go stand gidigba with police, him still talk say, dem don ask make the Commisioner of police sit down for one corner make another commsioner wey no sabi anybody take charge during this election
We dey bring in new people wey go do election, we wan make una corporate with us, we need una support, we go do stop and search, we go reach some kain gbege place for the state.