Nigeria writer, Chimamanda Ngozi Adichie don talk am say she no dey like am make man dey open door for woman.
For US comedy night show, di ‘Daily Show’, Chimamanda tell South African comedian, Trevor Noah say make dem make opening doors dey for every body no be only man go dey open door for woman say, e no pure.
She also address issue wey concern training boy pikin to be feminist based on when woman wan talk her own as feminist, men fit see am as confrontation.
Some pipo dey talk say she don lose am, and she no sabi wetin she dey talk again based on say, plenty women still want make man dey open door for dem.
Chimmanda Adichie bin don enter social media wahala before after she talk say she bin no like as Hilary Clinton use wife start her social media bio for Twitter.