Home / Sports / I NO EVEN REASON TO PLAY FOR SUPER EAGLES AT ALL – TAMMY ABRAHAM

I NO EVEN REASON TO PLAY FOR SUPER EAGLES AT ALL – TAMMY ABRAHAM

New player wey England call up, Tammy Abraham talk sey imm no bin even consider to play for Naija for international level even as dem bin dey whine am sey make hin come.

Abraham papa na Naija man and him be beta paddy to Naija Football Federation Presido, Amaju Pinnick wey bin talk for September sey Abraham don accept to play for Naija.

But Abraham wey play for England for under 21 kon comot talk sey na lie ooo, sey imm never gree to play for Naija… Na dis one kon make England invite am for dia friendly against Germany and Brazil.

Him follow talk sey hin dey see himsef as person wey go tey for d England team unto sey imm still dey 20yrs and sey dat one na imm main focus and sey imm dey 100% focus to get into d team.

“My mind bin dey to play England and na to play for premier league go fit make am possible”

Abraham dey on loan for Swansea City like dis from Chelsea and imm don score five goals for imm 14 appearances already.

When dem bin ask am bout d interest wey naija get for am, him talk sey d tin bin make am laff but sey hin mind dey for England already.

England go play World champions, Germany for Wembley on Friday before dem go kon tackle Brazil for d same venue for November 14 unto dia preparation for next world cup.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.