Home / Family & Relationship / I NO KNOW SEY NA THIEF I MARRY O, ABEG SEPARATE US

I NO KNOW SEY NA THIEF I MARRY O, ABEG SEPARATE US

One woman wey dey find divorce don cry give Ibadan customary Court sey her husband na serious thief ooo, sey no be only thief sey na serial pick pocket.

Mary wey marry dis Ibadan based business man, Mr Ibrahim Gbadamosi talk sey dem bin deceive am to go marry am for about 20yrs now and she no even know sey na criminal.

She talk sey Ibrahim and hin friends no tell am sey him be criminal no be until dem kon jail am for Ile Oluji for Ondo state.

She talk sey e get one time wey imm bin sell some of her property make she for take bail am no be until she take know sey imm be serial pickpocket.

She still kon tell d judge sey Ibrahim never pay imm bride price.

Gbadamosi bin don go Mapo customary Court for Ibadan go tell dem sey en want make dem dissolve d marriage sey imm wife no fit born and sey imm bin one kidnap one of hin pikin dem.

Mary still yan give court sey her husband nah thief sey no be business man. She talk dis one unto sey she tell court sey even sey she wan divorce am, she gatz tell em some secrets about am, sey hin no bin know wetin imm dey do for a long time wey make am kon dey uncomfortable with hin lifestyle.

She talk sey all she know be sey Police dey always come arrest her husband wey dey make hin frnds run from one place to another to take look for money wey dem go take bail am. She still talk sey imm no worth am.

Earlier Ibrahim wey dey stay for Soka side for Ibadan yan give court sey imm wife no bin dey derr when hin bin need am d most and sey imm wife bin don turn prostitute.

Him still sey imm fit confam give court sey dia landlord younger brother give am belle and hin don dey make love to am since. Hin say Mary dey always wan fight am and sey she dey also carry for mind to kill am.

Mary and dia first child bin conspire to kidnap d child wey imm second wife born for am. 

Him say;

“I bin don report d case go police wey dem bin kon sign undertaken sey dem no go put hand for kidnapping again.”

“Mary no even make effort to go my shop when I dey jail for 16 months wey make all my goods to spoil.”

Mr Ibrahim kon tell court sey make dem allow make hin daughter follow Mary go sey him go dey cater for dem on a monthly basis.

D court Presido Mr. Ademola Odunade kon adjourn d case go Nov. 28 kon sey make d couple dey of good behaviour till den.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

One Babe Don Fake Kidnapping To Stay With Her Boyfriend

Di tori be say, one woman wey dey 25-years and dey answer Sandy Gaillard don …

Leave a Reply

Your email address will not be published.