Home / News / I WAN MAKE YOU RELEASE EBONYI PEOPLE WEY DEY LAGOS PRISON TO ME- Umahi don tell Lagos Governor.

I WAN MAKE YOU RELEASE EBONYI PEOPLE WEY DEY LAGOS PRISON TO ME- Umahi don tell Lagos Governor.

Governor for Ebonyi State. David Umahi, don tell Lagos state Government to release 180 Ebonyi people, wey lagos government don arrest, based on sey, dem dey sell for road, against dem order.

Umahi don yan dis tori on Thursday, for Abakaliki, wen him receive Ebonyi people, wey dey Onitsha dey do business, as dem visit am, based on wetin dey hapun to Ebonyi people for another states.

Umahi wey him deputy, Dr, Kelechj Igwe represent, kom yan sey, Ebonyi government no dey happy, wen dem hear sey, Lagos government arrest Ebonyi people, based on sey, dem dey sell for Street.

Him yan sey;

“Dem tok sey,  180 Ebonyi people, don go against dem law for Lagos, as dem dey sell for Lagos Street, but, d mata be sey, dem never do d law wen dem arrest our people, put for prison, two years ago “. 

” Plenty of dem, don dey for prison for two years. Before dem make d law, and dem kom d charge dem for d law wey dem neva do”. 

“I go get discussion with my colleagues, wey dey lagos state, make dem release all d Ebonyi people wey dey dem prison, without condition”.

D governor kom yan sey, d time don pass, wey people from other states, d treat Ebonyi people as if sey, dem be second class people for d country.

Him yan sey, dem go extend dem employment scheme to plenty Ebonyi people wey dey other states.

Him yan sey, dem go give 130 keke to 20 Ebonyi people, wey dey Anambra State, as e go help dem get beta thing to do.

 

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

​NAIJA GOVERNORS DON APPROVE $1 BILLION TO TAKE FIGHT BOKO HARAM 

Naija Governors don approve d release of $1 billion to take fight Boko Haram for …

Leave a Reply

Your email address will not be published.