D Indigenous People of Biafra (IPOB) don dey para give Oga Presido Muhammadu Buhari say make him no near dia Biafraland unless blood go flow like water.
Buhari bin don plan to visit Ebonyi state on Tuesday, and Anambra d next day wey be Wednesday.
For statement wey dem send give TheCable on Monday, Emma Powerful, wey be IPOB spokesman, yan say;
“we (IPOB members) go die with am if him try set him foot ontop d sacred land of Biafra”.
“Tuesday 14th November 2017 go dey recorded for history as very bloody day if dat Jubril masquerade wey be Buhari just try land we Biafran soil,”
“Him wan come mock us, urinate ontop d graves of our 91 brethren wey him Operation Python Dance kill for Abia State. Him wan come show us say na d North get power abi and people like Nnia Nwodo and Dave Umahi are dey charge over dia conquered territory and defeated people of Biafra. Him wan come to tell us say we go be slaves forever. Okay… no wahala