Home / Sports / IFEANYI UBAH DON UNVEIL BOSSO AS DIA NEW COACH

IFEANYI UBAH DON UNVEIL BOSSO AS DIA NEW COACH

Ifeanyi Ubah don unveil former Naija under 20 coach, Ladan Bosso, as dia tear rubber coach.

Bosso wey bin leave El-kanemi for d end of last season dey take over from Ghanaian Yaw Preko wey bin dey in charge of d Anambra warriors dem last season wey carry dem go finish for 9th.
Bosso bin don coach Abia warriors before and Ifeanyi Ubah bin announce am as dia coach on Saturday. 

For d statement wey d club spokesperson Iyke Nwokedi release, club chairmo, Chukwuma Ubah talk sey dem employ am because of d experience wey imm get for d league. Him talk sey Bosso get better experience for d league and for national team and sey hin go inspire d players to take get back into winning ways so dem go win more titles.

Bosso kon promise sey hin go do every every to make sure sey dem do well for d league next season and sey imm dey honoured to be d club new manger sey d club nah great club nd sey dem get respect wella for NPFL.

Him follow talk sey dem get dia target for d new season wey dey come and sey dem go work as group to take achieve am. Him still sey hin go try him best to take make sure sey d club go return go sitdon for ontop d league.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

CELTIC GO FACE ZENIT AS ARSENAL DON DRAW D SWEDES

Arsenal go face Swedish minnows Ostersund while Celtic don draw Russia Zenit St Petersburg for …

Leave a Reply

Your email address will not be published.