Officials don talk sey China based ogbonge Naija striker, Odion Ighalo go miss Naija 2018 world cup qualifier for Algeria, kon still miss d friendly Naija go get with Argentina unto say hin don get wound for hin knee.

Naija go face Algeria for Nov 10 for Constantine for dia match wey be sey dey don qualify already seff. Before dem go get friendly with Argentina four days later make dem for take dey prepare for d world cup.

Super Eagles spokesman Toyin Ibitoye talk sey na d injury wey Ighalo don get rule am out of all dis November matches and sey imm bin get light knock for hin knee so hin go dey out for up to two weeks at least.

Ibitoye follow talk sey plans no dey to take replace am based on say d number of players wey dem invite don pass d official 23 wey dey required.

Chelsea Victor Moses wey be 26 follow dey out of d matches because of hamstring injury wey imm get wey him get for d match wey dem lose to Crystal Palace some weeks back.

Naija don already qualify for d world cup for Russia with one game for hand wey make dem sitdon gidigba for top of dia group.



Please enter your comment!
Please enter your name here