Imo State University Governing Council don suspend dia registrar wey be Dr Emeka Ejinkeonye. Dem follow talk sey d suspension go last for six weeks.
D public relations officer for d school Mr Ralph Njoku-Obi talk sey dem bin take dis decision for dia 61st regular meeting wey hold for November 24.
For exclusive interview wey bin shele on Monday, d PRO talk sey dem suspend d registrar for various offense wey include insubordination, treachery, intransigence and lack of respect for constituted authority.
Njoku Obi also kon talk sey d council don appoint Mrs Rose Kate ogbu as d acting registrar while Ejinkeonye suspension dey on so dat d position no go dey vacant.
Mrs ogbu bin be d deputy registrar before dem give am dis appointment.