Home / Politics / INEC DON GIVE OBIANO HIM CERTIFICATE OF RETURN

INEC DON GIVE OBIANO HIM CERTIFICATE OF RETURN

Anambra state Governor, Chief Willie obiano don get imm certificate of return from INEC to take confam him victory for d November 18 poll for d state.

Him collect d certificate for INEC secretariat wey dey Awka d state capital yesterday wey be Wednesday. 

Obiano bin win d election with 234,071 against A.P.C very own Tony Nwoye wey carry second with 98,752.

Na d INEC National commissioner in charge of legal services, Mrs May Agbamuche wey bin dey represent dia National Chairmo, Prof Mahmood Yakubu carry d certificate give am.

Plenty people from APGA and other political parties for d state attend dis event.

Obiano kon follow thank d people wey make hin election become a success especially President Muhammadu Buhari wey imm talk sey no bin get any hand for d electoral process. Him kon dey assure d people sey imm go surely justify d confidence wey dey get for am.

Imm also assure sey APGA go become a formidable force for d political system wey dey Naija.

Agbamuche follow kon talk sey d commission dey impressed with d peaceful way d election use go for d state.

D Resident Electoral commissioner Dr Nkwachukwu Orji kon dey yan sey d succes wey dem achieve for d election na collective effort.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

See Wetin One Woman Do Her Sister Based On Say She No Gree Stop School For Her Pikins

One person wey dey Facebook, wey dey answer, Oshanor John, don post one picture wey …

Leave a Reply

Your email address will not be published.