Home / News / INEC Don Suspend Dino Melaye Recall
newsinpidgin

INEC Don Suspend Dino Melaye Recall

The People wey dey in charge of election for our country, The Independent National Electoral Commission (INEC) don talk say dem go hold on for the recall wey Kogi West people say dem wan recall dia Oga Senator Dino Melaye

Adedejo Soyebi wey be the National Commissioner for INEC, talk say dis one on thursday , say dem decide this one base on wetin the court dey talk.

Last Week, Our Federal High Court wey dey for Abuja , been don ask INEC & Dino Melaye say make everything remain as e dey, until dem determine the matter wey Melaye bring come give them to challenge wetin INEC wan do.

Oga Soyebi talk say INEC go appeal wetin High court don rule .

“The independent National ¬†Electoral Commission (INEC) don hold him dia normal every week meeting and dem don consider the order wey the federal High Court don give for Abuja dated 6th July 2017, say make everybody remain as e be until dem determine wetin the Plaintiff dey request, unto sey Senator Dino Melaye don fill the case say make court give injunction against wetin INEC wan do base on the petition wey INEC receive from registered voters For Kogi West Senatorial District.

“Unto say INEC dey responsible and dey follow the law, Dem go follow the Order wey the court don give, the commision don also decide say dem go take steps to comot the court order so dem fit hear the matter sharp sharp.

As e be now, the court don adjourned the hearing for the matter go September 29th , make we know say, section 69 of our 1999 constitution of Nigeria (as dem adjust am) don set sey make e no pass 90 days from the day wey dem been present the case for court (21st June 2017) make everything complete.

INEC as dem dey dia meeting approve policy wey dem go use dey Audit after every election, this na to make sure say transparency dey and to improve the while election matter.

Source: Thecble.ng

Facebook Comments

About Author

Hot Trending News brought to you on time all in Pidgin

Check Also

MMM NIGERIA : Today Don Make Am One Year Dem Carry People Money Run

Today don make am one year now wey MMM carry Nigerian people money go enjoy. …

Leave a Reply

Your email address will not be published.