BIAFRA: IPOB and Ohaneze peacetalks, don breakdown
Di peace talks, wey IPOB, Indigenous People Of Biafra, and Ohaneze Ndigbo get don breakdown.
Person wey be IPOB media guy, Emma Powerful don yan say, dem nogo do any meeting again with Ohaneze.
Di mata be say, Ohaneze no Wan do dia own part, as IPOB tell dem say, make dem comot di terrorism name from dem and produce Nnamdi Kanu wey be dia leader.
Based on di agreement wey fail, IPOB don yan say, election nogo dey if dem no give dem referendum.
Chief, Ben Nwabueze be di elder wey start di peacetalks with IPOB, for him Ogbaru country home.