Home / Sports / IWOBI AND MOSES DON MISS FIRST TRAINING UNTO DIA MATCH WITH ZAMBIA

IWOBI AND MOSES DON MISS FIRST TRAINING UNTO DIA MATCH WITH ZAMBIA

Gernot Rohr men don start dia World Cup qualifier preparation unto d match wey dem get with Zambia on Saturday and Chelsea Victor Moses and Arsenal Alex Iwobi bin no show face for d training wey dem get yesterday evening wey dem dey take prepare for d ogbonge match wey dem get with Zambia for Uyo. 

Iwobi bin score for d last match wey Arsenal play against Brighton and Hoves wey dem win 2-0 for last weekend and na imm make Rohr tell Iwobi make imm take small rest cos of sey imm make am reach camp late.

Whereas Moses never show face for camp even as imm no bin play for d match wey Chelsea lose 1-0 against Mancity for Stamford Bridge. 

Moses Simon, Chidozie Awaziem and Ola Aina follow for people wey no follo train too.

D people wey train na, Mikel Obi, Odion Ighalo, Anthony Nwakaeme, Leon Balogun, William Troost Ekong, John Ogu, Oghenekaro Etebo and Ikechukwu Ezenwa.

Elderson Echiejile, Daniel Akpeyi, Wilfred Ndidi, Uche Agbo, Mikel Agu, Dele Ajiboye, Ahmed Musa Ifeanyi Ifeanyi, Aremu Afeez and Kelechi Iheanacho.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.