President Donald Trump Don Plan today to make Jerusalem di Israel Capital as him bin don plan am and come carry American Embassy go keep for Jerusalem.

Na today wey be Wednesday 6 December plenty people for Arab and for di whole world and Christians dey wait, make dem hear Trump talk on top di plan and di talk go change everything wey concern US diplomacy matter wey dey help make fight-fight matter balance well well between Israel and Palestine – Palestine for di matta too, dey see Jerusalem as dia capital. Who go win dis fight? .

As di tori dey, no country get embassy for di holy land, but Trump don plan to move USA embassy to Jerusalem and Arab people dey vex well well .

Jerusalem be di holy city and e dey important as e don start dey cause fight between Israel and Palestine for plenty years now.

People wey think say dem be world leaders don chook mouth for di matta .

King Abdullah II of Jordan talk for him Embassy say, yes, e go dey good. Make US do wetin dem plan as e go helep peace dey for di place.

Navil Abu Rudeina wey be dey speak for President Mahmoud Abbas for Palestine say, dis thing wey US wan try do Dey dangerous , as e go affect peace for di area.

Egypt President Abdel Fattah el-Sisi talk on top di matta also say, make Oga Trump no try do wetin go make peace wey dey for di people wey dey live for Middle East comot.


Please enter your comment!
Please enter your name here