Dis Wednesday trial unto d case wey Former National Publicity secretary of PDP Olisa Metuh get for Federal High Court inside Abuja bin start but Former Naija Presido, Goodluck Jonathan and Former National Security Adviser wey dem detain, Sambo Dasuki, no show face for d court unto d order wey be sey court bin don give dem.

D reason wey Jonathan no show face for d court fit be unto sey d court no be fit meet am to serve am dia subpoena.

But Department of State Service wey be sey na dem detain d former NSA Oga bin fit still produce am for court people.

D trial Judge, Justice Okon Abang bin don announce for court on Tuesday sey imm don give order sey make dem serve Jonathan wetin dem dey call subpoena. 

Buh for d court session wey dem hold on Tuesday, one of d court registrar talk sey dem never still serve Jonathan d subpoena.

For dah same Tuesday, d Judge hear say Dasuki bin don file application give court people sey make dem try set aside d subpoena.

However d Judge wey be sey don fix today wey be Wednesday as when dem go look into Metuh matter make dem for give order sey make Dasuki still appear for court today.

D court order both Dasuki and Jonathan sey make dem come testify unto d N400m case wey Metuh get for hand. Metuh bin don yan give court sey na d office of d NSA bin give am d money for 2014.

As e dey now, d court don dey deliver dia ruling unto Dasuki motion.



Please enter your comment!
Please enter your name here