Liberty TV journalist Aminu Nurudeen wey dey report for Punch Newspaper and thecable.ng tok say police dey look for am based on say na him first publish embarrassing video of oga police, Idris Ibrahim, and him deny wetin happen.

Nurudeen wey yarn with tori people talk say na some people wan frame am for di issue based on say di one wey Voice of Liberty wey first release di video dey different with Liberty TV own, wey be di one him dey work for.

“Wetin shock me be how Voice of Liberty wey first release di video put my name. I no know dem and I no dey work for dem.”

“And as for di mata, say police dey find me, no be true based on say as we dey talk, I just comot from police command now and nobodi dey find me.”

Tok-tok person for Kano Police Command, Musa Majiya, talk say na some people wey dey behind wetin happen wan use rubbish him oga.

“Anybody wey get sense know say dat video no be correct something, e dey too clear to see and we no dey look for any journalist or any person behind di release, we don leave everything.”

LEAVE A REPLY

Please enter your comment!
Please enter your name here