NEWSINPIDGIN NEWS

Senator Shehu Sani, wey dey represent Kaduna Central don react to wetin Muhammad Buhari deny for Poland.

Buhari deny say dem no clone am as pipo dey talk say him be Jibril from Sudan ‘.

Sani tell Buhari say make him call names wey bin dey plan to get Vice President and wan make him die for London.

As e dey, plenty countries don dey chook mouth for di jubril mata and e dey cause commotion.

Remember say Buhari get talk with Nigerians for Krakow Poland.

Him say: ‘‘Plenty pipo bin dey pray make I die, and plenty other pipo bin dey meet vice president make him give dem VP.”

Him tell dem say dem no clone am, but no tell dem say him nobi imposter based on say na different things.

Na wetin make Sani enter him Twitter page, tell Buhari say him go call di pipo wet bin wan become Vice President.

Him also talk say make him call names of pipo wey talk say dem clone am.

“Make President and vice get mind to call di pipo wey bin dey find Vice President seat, Wen President go hospital for UK.”

“If you no call am, Nigerians go wait for memoirs for years wey dey come, wen di country go move on.”

Na Indigenous People Of Biafra leader, Mazi Nnamdi KANU talk am say, Buhari don die, and cabal kom dey use imposter.

For him reply to wetin Buhari talk, him talk say, make FG stop dey use clone dey confuse pipo with imposter.

Him talk say, imposter and clone nobi disame thing and make FG tell Nigerians true.

For him evidence, him show plenty pictures wey show say Buhari wey dey now dey different from Buhari wey bin dey 2015.

Di pictures kom dey make pipo dey believe say true true, na imposter dey Aso Rock.

LEAVE A REPLY

Please enter your comment!
Please enter your name here