Juventus General Manager, Giuseppe Marotta don come out talk sey d serie A champions no dey interested to sign Italo Striker Mario Balotelli sey everything na just lie.

Rumours bin dey go on sey dem don offer d former Man city and current Nice striker Five year deal after imm bin don hit top form dis season with 17 goals.

Him talk sey Balotelli na player wey dem no need and sey all dis story just dey like fantasy football story.

Balotelli bin win six trophies with Inter milan with Champions league join before him kon move go Man City for 2010 with two other spells for AC Milan nd Liverpool.

D 27yr old kon later leave Liverpool for free transfer for August 2016 go join Nice wey dey 6th for French league dis Season.

Marotta bin still later confam sey Juve still dey interested for Liverpool Emre Can wey hin contract go expire by June. . . Him talk sey dem go try bring am in and sey hin know sey big club suppose get ambition to dey achieve difficult things.



Please enter your comment!
Please enter your name here