Reality Tv star and model, Kylie Jenner don carry belle for her baby daddy, Travis Scott!
As d tori take reach us, dem yan say d belle go dey due for February wey be next year.
“D family bin don know about d matter tey tey but e never tey wey dem start to dey yan am. Kylie and her bobo body dey sweet dem like say tomorrow no dey.
Person wey dey close to dia family don come yan say;
“Dis kind thing dey very unexpected but na him sure die.”
“Everybody dey jolly unto d baby matter. Everything just dey kampe for her,”
“Na d first time wey she dey Happy like dis o.”
Jenner start to dey Travis Scott, wey be rapper, early dis year after she and her former bobo Tyga, break up for April and now now him don score goal already.
Anoda source tell TMZ say:
Kylie start to dey tell her friends d news early dis month for d Day N Night Fest wey dem do for Anaheim, CA.
Dem follow talk say Travis Scott sef bin don dey tell him friends and say him tell dem say na girl Jenner go born.
Kylie Jenner na 20-years-old and dis her Bobo, Tyga Scott, na 25-years-old. If na Naija now, dey for don pursue am comot for house, give am bad name. Na why to be Oyibo dey sweet person sometimes.
Dis na #confamtori