Di Chief Judge of Lagos State, Justice Opeyemi Oke, don inaugurate  four special courts wey be for only corruption cases.

Dem inaugurate di courts, wey dem tag “Special Offences Courts”, were better ceremony on Thursday for Ikeja, wey be di state capital.

Sometime for  2017, di Chief Justice of Nigeria (CJN), Justice Walter Onnoghen, been give  instruction to  all heads of courts wey dey across  country say make dem put speed for  trial wey concern  corruption cases.

For her own part, Justice Oke explain say  dat di launch of di  courts dey as obedience to directive wey CJN  give, even as dem get more Dan  500 financial crimes cases wey dey for High Courts in for di  state wey dem never touch .

Di  Chief Judge add for him talk say dat di Economic and Financial Crimes Commission (EFCC) and other  bodies wey dey relevant go help make di investigation and prosecution of corruption cases dey fast now.

As e follow for corruption and financial crimes cases, di Special Offences Courts go exclusively handle cybercrimes and other matter wey be  offences.

And also sexual and domestic violence cases, wey Justice Oke talk e don increase go follow reduce.

Also for di event, di EFCC Acting Chairman, Mr Ibrahim Magu, tell  Chief Judges say make dem create same court for dia places.


Please enter your comment!
Please enter your name here