Home / News / LANDLORD DON PURSUE LAI MOHAMMED MINISTRY FOR ABIA UNTO SAY HIM NO PAY RENT

LANDLORD DON PURSUE LAI MOHAMMED MINISTRY FOR ABIA UNTO SAY HIM NO PAY RENT

Federal Ministry of Information don get one week quit notice to vacate dia office for Abia State, by d landlord of d property, Azuka Okoroafor.

According to reports, d magistrate thru d lawyer na imm back d notice, and na him tell am to collect order to pursue d ministry.

Dem report say d current Minister of Information and Culture, Alhaji Lai Mohammed, never pay rent for two years since him take over d running of d ministry.

One official for d ministry talk say: 

“Since dem appoint Alhaji Lai Mohammed was as Minister of Information and Culture, him no even dey look d welfare of d Ministry of Information.

“Him dey use d money from Ministry of Information take run Ministry of Culture, but Culture dey under Information.

“We never ever see dat kind situation where minister go dey hide for d Ministry of Culture kon abandon d Ministry of Information and na why we dey get dis issue of non-payment of our rent. Dem never pay our rent for over two years and we dey suffer am now.

“We no even know wetin dey come next. Our landlord don threaten to comot us any moment from now, and him don start court action against us.

“We don advise our staff members to take dia personal belongings from d office based on say we fit come work one morning kon see say dey don lock d office up.”

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

JAMB DON SAY ALL SCHOOLS MUST END 2017 ADMISSION NEXT WEEK

Joint Admissions and Matriculation Board on Thursday don give direction say make all tertiary institutions …

Leave a Reply

Your email address will not be published.