Two people for Owerri, Imo state, southeast Nigeria don die based on Lassa Fever infection wey just hit di state. Na Dr Angela Uwakwem wey be di state Commissioner for Health talk am.

Uwakwem talk am,after dem carry di two people wey die comot for di Federal Medical Centre for Owerri.

Di health commissioner say na seven cases of Lassa fever dem dey suspect for di state but dem don confirm two cases.

Uwakwem beg people for di state make dem stop to dey shake hand anyhow and make dem no dey chop food wey dey open.

Him also tell di people wey dey for di state say make dem buy rat poison keep for house as rats be di thing wey  dey cause Lassa fever.

Also for Anambra State wey dey close by, di government don ban drinking of soaking garri so dat nobody go catch Lassa fever.

Dr. Joe Akabuike, di Anambra State Health Commissioner wey announce di ban say e dey very dangerous to dey drink garri based on say people wey dey make di garri dey also spread am for ground before dem produce am.


Please enter your comment!
Please enter your name here