Home / Foreign Tori / LIBYA SLAVERY:Nigerian People Wey Dey Libya No Concern Us! Dem No Carry Documents – Buhari

LIBYA SLAVERY:Nigerian People Wey Dey Libya No Concern Us! Dem No Carry Documents – Buhari

President Muhammadu Buhari Don talk say him don receive information wey talk say na only three people for di 26 people wey die for Mediterranean Sea be Nigerian people and and dem don burry dem for Italy .

Dis Nigerian president wey no get shame, come talk am boldly say, for him, e nogo be anything and nogo dey surprise to him if all of di 26 wey die there be Nigerian people.

Buhari talk dis thing wen him get meeting with members for Nigerian community wey dey Cote d’Ivoire on Tuesday evening for Abidjan.

Dis president never plan anything to go carry Nigerian people wey dey Libya dey suffer from slave trade and him get mind dey talk like person wey don lose him mind.

Buhari go cote D’IVOIRE for 5th European Union and African Union Summit.

Him talk say him administration go continue dey make Nigeria dey better wey go make Nigerian youths no dey go out for work.

But wetin we wan ask be say, dis him administration, wetin dem don do?

Him talk again say, dem don plan to go carry di people wey dey Sahara desert and Mediterranean Sea dey suffer.

Buhari talk am say
“Dem bin announce say di 26 people wey die for Mediterranean Sea be Nigerians, but before we go prove am dem carry dem go Bury.

“But di evidence wey I get from my Senior Special Assistant on Diaspora Affairs now don show say na only three people be Nigerians. Buy, i nogo dey surprise if all of dem be Nigerians true true .

“For people to cross di Sahara desert, come enter shanty boats, across Mediterranean Sea, I think we go try and keep dis people for home.

“But for any person wey cross Sahara desert come, enter Mediterranean Sea without documents, him dey own him own, e no concern us.

“As e be, any person for dat place wey no carry paper no concern us “

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.