Ikeja Electric Plc bin don yan on Wednesday say light no go dey some kind places for Lagos for up to one week.
Dis blackout go start from November 3 go reach November 10.
D oga kpata kpata for company Corporate Communications, Felix Ofulue, yan say d reason why light no go dey dose places na so dem go fit make better efforts to improve power supply to people across d network .
Mr. Ofulue yan dis one for statement for Lagos say d company wan carry out complete rehabilitation of Maryland Injection Substation, and say e go involve make dem replace old switch gear panels for d switch room.
Him yan say:
“Power supply go show back immediately after we don complete d exercise.
“We dey beg d people wey dis light matter go affect say make dem just chilax based on say e go benefit all of us last last.”
Mr. Ofulue kon talk say d Ikeja Electric Plc. don put every every in place so DAT dem go fit finish wetin dey wan do for d time frame wey dey don talk so.
Him assure d consumers say dem go dey pass dem any informate wey dey ground on a regular basis through various channels of communications, especially to d Community Development Area chairmen and other stakeholders.
According to Mr. Ofulue, d places wey dis rehabilitation go affect and light no go dey na Mende, Anthony, Maryland , Ikeja GRA , Shonibare Estate, some parts of Ojota, Ketu , Ikosi, with Demurin and environs.