Two persons for d five people wey buy 661 Pump-Action guns into Naija, Donatus Achinulo, and Oscar Okafor, don beg Naija government say, make dem bargain for d gun prosecution.
D people wey import d Pump-Action guns, Mahmud Hassan, Oscar Okafor, Donatus Achinulo, Matthew Okoye and Salihu Danjuma don enter Federal High Court for Lagos.
Dis people don talk before say, dem no do am.
D Judge for d court, Justice Ayokunie Fayi refuse say, him no go give dem bail, based on say, wetin dem do, dey bad well well.
D Judge don shift d matter to September 25,2017. On Monday, two persons wey dey among d five people wey import d gun, Oscar Okafor, and Donatus Achinulo, kom change dia plea to guilty, as dia lawyer, Mr. Rotimi Jacob (SAN), for Okafor and Mr, Paul Ananaba (SAN), for Achinulo kom tell Chief Judge for d court say, dem client don accept, and dem wan bargain with Federal government.