Home / Foreign Tori / MAKE UNA BRING BACK DEATH-SENTENCE – Robert Mugabe tell Zimbabwe Government

MAKE UNA BRING BACK DEATH-SENTENCE – Robert Mugabe tell Zimbabwe Government

Di old man wey be Zimbabwe President, Robert Mugabe don talk say make United Nations bring back death sentence after him receive report wey show say people wey pass 50-don apply for hangman.

Capital punishment dey for Zimbabwe statute book, but dem never kill anyone again since 2005 wen di man wey bin be hangman for dia country retire.

Him talk say,

“I think we go bring back dis death sentence o”

Mugabe don talk dis matta for capital Harare for di burial wey dem do for veteran for Zimbabwe independence struggle.

Mugabe wey dey 93, don get shock based on di crime report him receive from police chief wey concern plenty people wey people
don kill for dia country.

Mugabe talk again say,
,”Zimbabwe people dey play with death as dem dey kill dem selves ”

“Na dis kind thing make us get independence? We wan dis country to dey peaceful and make people dey love dem selves. No be for people to dey kill dia people for our country”

Right groups and Amnesty International don tell Mugabe say make him comot di death sentence based on say him still get 92 people wey dey for death row wey dem go kill.

Zimbabwe 2013 constitution, talk say, women and children wey never reach 18-years and old people wey don pass 69-years nogo follow for di death sentence.

Zimbabwe wey unemployment don dey hold for dia neck as di unemployment wey dey dia country don reach 90 percent, talk say, people wey pass 50 don apply for dia country to be hangmen.

Person wey be dia Justice ministry secretary, Virginia Mabhiza talk say, di number of people wey apply dey good well well.

AFP

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

BREAKING: FG DON FINALLY HAND OVER STATE HOUSE, MARINA TO LAGOS

Ogbonge Federal Government on Tuesday don complete d process of handing over d State House, …

Leave a Reply

Your email address will not be published.