One young American woman wey enter prison after she kill di customer wey wan sleep with am for di Sex traffic dem do am, don get support from Rihanna and Kim Kardashian West.

American court give dis Cyntoia Brown life Imprisonment based on say, she kill di man wey wan Sex am on top di Sexual abuse dem dey do am.

Di man name wey she kill be Johnny Michael Allen wen she dey 16 years for 2004.

Brown dey 29 years old now, based on say, she don dey for prison for 13-years.

Di carry am say she no fit dey free from prison till she dey 60 years.

Rihanna and kim Karda don vex, share dia mind for Internet talk am say, American court no try at all based on say, dis Brown bin fight for herself as she bin no get anybody wey for fight for am.

Dis Rihanna and kim talk am for dia Instagram post.

Di tori be say wen Brown be pikin, her pimp wey dey sexually attack her, carry her enter street to dey sleep with men for money.

Johnny Michael Allen na di customer wey carry her go him house for Tennessee for August 2004.

As Brown land for court, she talk say she dey fear Allen because him dey behave somehow.

Brown talk am say,

”One time him dey pet me, and him no tell me say make We do am, him come hold me tight for my private part and begin look me with him bad eyes .”Na di way him look me make me kill am.

Di matta be say, she bin dey fear say, him wan do am something , so she carry gun shoot Allen.

Wen dem carry di mata go court, dem do di case as if Cyntoia be adult and na adult punishment dem give her – life for prison.

She no go get chance for freedom until after 51 years.

She don dey Tennessee Prison for Women since 2006.

As she dey inside prison so, she don finish school and even collect certificate, according to US news network Fox 17.

Tennessee don change law after her case, wey no go allow government lawyers carry pickin go court on top say dem dey sleep with men for money.

Skip Instagram post 2 by badgalriri

End of Instagram post 2 by badgalriri

After celebrities begin share her tori for internet with di hashtag #FreeCyntoaiaBrown, people don begin dey chook fresh mouth inside di mata.

People wey pass 2000, don sign letter say, make dem free Brown immediately.

Kim K don promise say, she go help Brown after she don already talk with her lawyers to “Make dem do something to save Brown ”.


Please enter your comment!
Please enter your name here