One 40yr old man wey imm name na Yahaya Idris don land himseff for prison after imm rape hin neighbour 15yr old pikin kon gv am belle on top. 

Hajiya Falile Dikko wey dey Katsina State Senior Magistrates court kon order yesterday sey make Idris still dey prison custody till November 6 dis year when imm case go come up for mention.

D prosecutor wey be Inspector Sani Ado bin don tell court sey Idris dey live for d same house with d girl papa wey be Lawal Abubakar for Gawa village inside Bindawa Local Government Area for d state…imm follow talk sey for Idris to deceive kon rape d pikin wey later still kon get belle, imm commit offence wey dey contrary to section 283 of the penal code.

D magistrate still tell Idris sey offence wey dem accuse am of dey triable for High court only and sey dem only carry am come magistrate court for cognisance purpose.


Please enter your comment!
Please enter your name here