Home / News / MAN WEY NO GET WORK DON DUPE ONE WOMAN OF HER 100K

MAN WEY NO GET WORK DON DUPE ONE WOMAN OF HER 100K

One unemployed man Uba Okeugo wey dupe one Mrs Juliet Ezeola of N100 000 after him whine am say hin go wash d money turn am to U.S dollars don appear for Ikeja magistrates court yesterday.

Okeugo wey dey 32years dey face three count of conspiracy, obtaining by false pretences and stealing.

D prosecutor Sgt. Christopher John yan give court sey d man bin commit d offence with one other person wey dem still dey find for pen cinema, Agege Lagos on October 18.

John talk sey d man bin jam d lady for bus stop before imm kon whine am go one uncompleted building wia hin kon collect d 100k from am.

D man and imm second bin tell d woman sey dem go wash am turn am to dollars for am but as soon as d money enter dia hand nah imm dem lost.

John later talk sey  d complainant bin come report d case for Police hand nah imm dem tell am sey no be today dem start to dey find dem seff.

Nah for Agege wey d woman still come see d man nah imm she raise alarm wey make people wey dey around epp her catch am.

John talk sey d offence contravene section 280,316 and 411 of d criminal Law of Lagos state.

D man bin plead not guilty, Mrs M I Dan Oni wey be d magistrates wey dey handle d case kom later grant d man bail in d sum of N50000 with two sureties in like sum and say d sureties dem must show evidence sey dem dey pay tax give Lagos state govt.

Dan-Oni later adjourn d case go December 11 for mention.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.