Person wey bin be National Security Adviser, Sambo Dasuki, don tell di Federal High Court wey dey Abuja say, him no fit remember anything wey concern N400m wey dem talk say him give di person wey bin be National Publicity Secretary, Olisa Metuh for PDP people in 2014.

Dis one na di first time dem dey ask Dasuki about di money dem suppose use buy weapons wey dem carry do election for 2015.

Dasuki be di eight person wey enter witness box for High Court of Justice as Metuh witness based on di subpoena wey Metuh say make dem give Goodluck and Dasuki to appear for court.

Dasuki, wey don dey for DSS hand, enter court on Wednesday based on di paper di person wey be Justice for Federal High Court, Okon Abang give, and talk say, make dem bring Dasuki to court.

Based on di evidence wey Metuh lawyer‎, Mr. Emeka Etiaba (SAN),show dem for court, Dasuki talk say, him no fit remember again anything wey concern di money dem give Metuh at all at all.

Di matta be say, e be like say, Dasuki don get memory loss, ss him no fit even talk anything for court on top di matta.

Him talk say based on say him don dey for prison for two years him no get chance to see documents wey go help am know how di money matta go.
Wen dem ask am about di money, Dasuki talk say,
“E go dey very difficult for me to tell you people anything wey concern di money wey una talk say I give Chief Olisa Metuh and him Destra Investment Limited wey follow dey defend without my records.

“Una know say three years dey long and be long time. I get four bail court order wey ECOWAS don give me. Wen dem release me, i go go check di records. Na di time I go fit talk anything for di matta ”

LEAVE A REPLY

Please enter your comment!
Please enter your name here