Home / Entertainment / MIMI ORJIEKWE FAMILY WAN RETURN HER BRIDE TO CHARLES BILLION

MIMI ORJIEKWE FAMILY WAN RETURN HER BRIDE TO CHARLES BILLION

Actress Mimi Orjiekwe don go meet her husband wey be Charles Billion Pius family people, tell dem say make dem kom collect d  bride price wey him pay untop her head when dey marry for July 2015.

E bin dey news lastweek say Charles with one US-based woman wey be say her name sef na Mimi, dey expect baby boy.

People wey dey close to d couple kon yan say Mimi Orjiekwe bin find out say her husband dey expect another pikin with another woman. Na so her blood hot, she boil, kon go meet her husband ask am whether na true, but him no deny d report and him no confam am too. Him just dey put for dia.

After d tori kon break for LIB, Mimi kon tell her Papa say make him call Charles family say make dem come collect her bride price but up till today, dey never come to see her family. Mimi don sha threaten dem say she go go social media to go call dem out if dey no want come forward to collect d bride price so dat dia marriage go just end and nothing go dey to hold dia two back.

Before dia wedding for 2015, one woman police officer bin tell Mimi say she bin don carry belle for Charles. Him first deny am but after some time, him kon accept d baby girl wey d policewoman born. Him kon beg Mimi and she accept am. But with dis kind gbege wey kon happen again, Mimi don swear say lai lai, she no go ever take am back and she want make dia marriage end sharp sharp. 

D two of dem get six months old daughter and her name na Jasmine.
#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

​Kiss Daniel Vs G-worldwide: Coke Studio Don Delete All Kiss Daniel Materials

Naija Singer, Kiss Daniel as e be now dey for legal battle with G-Worldwide, d …

Leave a Reply

Your email address will not be published.