Home / Politics / MMM NIGERIA : Today Don Make Am One Year Dem Carry People Money Run

MMM NIGERIA : Today Don Make Am One Year Dem Carry People Money Run

Today don make am one year now wey MMM carry Nigerian people money go enjoy. Nigerian people wake up one money come see say, dia money don do benjohnson.

Mavrodi Mundial Moneybox (MMM) reign no be small and inside 2016 plenty people inside Nigeria put dia money, some even go borrow put for di “business”.

MMM na ponzi scheme – di business  no pure at all, dem dey collect money from new people wey join to give those wey don old for di business.

Even though say Central Bank of Nigeria warn people many-many times make dem no put dia money for di “business,” people still no hear.

As e don reach one year so, BBC News Pidgin talk to some Nigerians wey “invest” for di scheme to know wetin dey dia mind as par dia MMM experience.

Bitcoin and MMM na di same thing?Value of Bitcoin don pass $10,000US don charge man wey hack Game of Thrones

Mary say wetin carry her go do MMM na because she bin want di “awufu money.”

She say she bin know say na free money because she no work for am, but she still chook head sha because she want “more money.”

Na $138.89 (50,000 naira) she put inside and she no collect ten kobo.


No be only her no collect anything inside di “investment,” plenty people no see dia money collect.


Faith (no be her real name), put reach $1388.89 (500,000 naira) and na so di whole money waka.

For Faith, she say di thing no be “funny experience” at all. She go borrow money from friends and family members with mind say she go get 30% profit.


Many people wey no follow put dia money bin wonder why people gree enter di ponzi scheme.


Na different reactions people get on top di mata. Some believe say na greed cause am, others believe say “life na risk” and people must take risk to see if things go better for dem.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

“I Dey Ready To Commit Suicide “-Obasanjo Don Talk

Former President Olusegun Obasanjo don talk am say, him go commit suicide if Nigeria lose …

Leave a Reply

Your email address will not be published.