Plenty people don dey perform transaction with mobile phones base on say e dey very easy , but the process carry plenty risk, But as the matter be, you suppose know sey you go dey vulnerable at some point if you dey careless when you dey do the mobile transactions. Jumia Travels wey be one correct Online travel agency don share some kain tips wey go make you dey safe when you dey do transactions to make sure say you no loss money wey you don suffer for.
OPEN EYE DEY TRACK AS YOUR ACCOUNT DEY
E don dey very easy now to monitor your account, Except some kain times wey you no fit waka enter bank. As online banking dey now, you fit access your account 24 hours. Make you dey use dis opportunity dey check your account always, this one dey correct for people wey dey use mobile banking.
READ WETIN PEOPLE TALK ABOUT BANK APP
As you dey download your bank app put for your phone, make you no just download anyhow, Some other people fit still do your bank app put online. To make sure say your true true, na your bank put the app you want download, try read wetin other people talk about the app.
USE PASSWORD TAKE PROTECT YOUR PHONE
Make sure say person no fit just carry your phone use am anyhow, make you use password protect the phone especially if you dey use your phone pay some kain utility bills and transfer cash.
LOGOUT ANYTIME YOU FINISH
Make you make am habit to dey logout your online banking when you don finish with wetin you dey do, na dis way person no fit just use the phone or do anything with your account.
NO DEY CLICK LINKS WEY DEM SEND FOR EMAIL
No be every organization wey dey into money matter dey send you email wey go ask you make you give them login details. If you get that kain email wey dey like message wey bank send, make you suspect am, delete am comot, make you no try even open am.
MAKE SURE SAY YOU DEY GET ALERT
Plenty people no even get alert self, base on say dem no want make bank dey deduct their money, but na dem go shout “E DON HAPPEN O” if dia money disappear, so e dey better to ensure say you get alert so you fit know everything wey happen for your account.