Home / Sports / MOURINHO DON BLAST ENGLAND UNTO JONES INJURY

MOURINHO DON BLAST ENGLAND UNTO JONES INJURY

Manchester United Boss, Jose Mourinho don talk sey imm no dey happy with England National team on how dem take handle Phil Jones matter after imm aggreviate injury wey imm bin don get already for dia match against Germany.

Players like Harry Kane, Dele Alli, Raheem Sterling and Jordan Henderson bin don withdraw from d England squad for dia match against Germany and Brazil cos of injury wey dem bin get. Him sey even as imm bin get thigh problem Jones still report for duty only for am to come pick up injury for first half against Germany.

Dis one go make Mourinho now dey without Jones for imm match against Newcastle dis weekend. Mourinho still kon talk sey imm no tink sey e dey possible for player wey get problem to play friendly.

Him sey dis problem don dey for three weeks now and sey d only reason why imm play for Chelsea match na becos sey na big match…only for am to go imm national team go play match when dem know sey hin get injury.

Mourinho talk sey him bin no even wan let am join England squad … Sey if na some clubs dem no go gree make dia player comot…and sey you go dey hear tinz like, my fingernails, little flu or even problem for dia toe as injury wey dem get. Sey dem go jes use dat opportunity stay back dey get dia rest.

Hin still sey some clubs dey wey be sey dia coach no go use dia mind let dem go only for dem to kon carry injury come back. But sey imm jes dey use one eye look wether all dose players wey form sey dey get injury no go play for dia club dis weekend.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

CELTIC GO FACE ZENIT AS ARSENAL DON DRAW D SWEDES

Arsenal go face Swedish minnows Ostersund while Celtic don draw Russia Zenit St Petersburg for …

Leave a Reply

Your email address will not be published.