Robert Mugabe Don resign from Zimbabwe President on Tuesday, as him bad leadership and yeye tenure come enter military hand and dem force am comot.

E be like say dis resign wey Mugabe do go make Zimbabwe get beta government and nogo get wahala for dia politics again for dia country since dem independence from Britain in 1980.

Na di man wey dey speak for Zimbabwe Government talk am for dia special joint session for parliament wey bin make dem decide to impeach dis Mugabe wey dey 93-years wey don control every life wey Zimbabwe people get.

Dis news don make Zimbabwe people enter streets dey celebrate, as dem Carry dia cars, motorcycles, and some people carry Leg dey shout, dey blow horn, dey celebrate based on say, Mugabe Don Give way.

Robert Mugabe talk am say,

“Me wey be Robert Mugabe, based on wetin section 96 for constitution wey Zimbabwe get talk, i don decide say i go resign and na from now. Na wetin him letter wey him give parliament speaker, Jacob Mudenda, talk.

“My decision na based on wetin I don consider.I wan give power to another person in Peace, cool and without wahala, based on di love wey i get for Zimbabwe people .”

Dis thing hapun based on say, dia military bin take over di government and Zimbabwe people wey reach ten thousand enter Street dey talk say dem wan make Mugabe resign.


Please enter your comment!
Please enter your name here