Person wey be Abia State Governor, Okezie Ikpeazu, on Thursday don talk say, no be him work to dey look for Nnamdi Kanu wey oga for Indigenous People Of Biafra wey dem say him don run.
Ikpeazu talk am for di interview wey people wey dey gather news for dia State House do with am, after him get small meeting with Yemi Osibanjo for presidential villa.
Him talk say,
“Nnamdi Kanu be my brother, but him no dey with our state government. ”
“Di people wey dey find Nnamdi Kanu go get better knowledge about where him dey, and get time to know di location him dey. Nigeria don train people wey dey track people, so make dem do di work, no be me, i be governor”
Ikpeazu talk say, him government dey try set committee for MSME council and and him bin dey for di meeting as person wey follow for di SME hub wey dey Nigeria.
Him ttalk say,
“true true plenty people don dey buy “Made in Aba” now and di market don dey grow “.
For di campaign wey ikpeazu do, him talk say him go take care of Ariaria market wey be where people wey dey produce show dey, but him talk say for now, light dey dey steady there.
Him talk say, him government dey relate with people wey dey give money wey be funding agency and dem don get money wey reach N1.4bn for “made in Aba shoes “dem sell and clothes.