Home / Politics / NA PERSON HIRE WAZIRI MAKE SHE ATTACK ME – JONATHAN

NA PERSON HIRE WAZIRI MAKE SHE ATTACK ME – JONATHAN

Before-before Presido Goodluck Jonathan don hit back d former Chairman of d Economic and Financial Crimes Commission, Farida Waziri, wey claim say Jonathan sack am based on say she no gree comot her hand, back down ontop one suspect during d oil subsidy scandal.

Una remember say we bin tell you say Waziri bin get interview with journalist for Lagos and she bin kom yan say big big corruption bin dey go under Jonathan administration.

Farida Waziri bin talk say;

“I just dey happy say all dose tinz bin no happen when i bin still be d EFCC Chairmo unto say na untop my head all d wahala for dey now.

“And dat na why if I see President Jonathan today, I go even kneel down thank am for d honour wey him do me when him comot me as d EFCC Chairmo for dat time.

“My first strong feeling say bad thing go happen na when I start to dey probe d oil subsidy fraud wey bin dey go on dat time.

“I bin come Lagos unto one vital intelligence wey I get ontop d subsidy scam and as I just arrest d key culprit, na so I get call from d Presidential Villa say make I release d suspect, because, for dia words, ‘him be our person’, but as I no gree let am go like dat, some days after, dem remove me from office”.

As Jonathan hear all dese things, him talk say Waziri bin dey lie untop hin head.

He reacted through him verified twitter handle @GEJonathan.

D former presido wey talk say bad bad tins no get statute bar kon challeng Waziri say make she name d person or d company wey she bin dey investigate before dem sack am.

Jonathan kon talk say if d former EFCC boss fail to mention d name, him go just take am say na person hire am, pay am money to attack him personality.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

See Wetin One Woman Do Her Sister Based On Say She No Gree Stop School For Her Pikins

One person wey dey Facebook, wey dey answer, Oshanor John, don post one picture wey …

Leave a Reply

Your email address will not be published.