D Police Commissioner, fof Lagos State, Mr, Fatai Owoseni, on Wednesday, don yan sey, him no dey aware of d new Commissioner, wey people d tok sey, dem don appoint for Lagos State Police Command, sey, na him still dey control every every, for d Command, as d Police Commissioner.
Owoseni, kom tell people wey dey gather tori, for Lagos State Police Command, wey dey for Ikeja, sey, him neva receive any paper, or info, from him Oga on top, Mr, Ibrahim Idris,wey concern new person dem appoint for Lagos Police Command
Him kom yan sey, wen him receive any information, wey concern d new Commissioner, him go make dem know.
“Wen we get any information, wey concern d matta, we go make una know “
Plenty online Media, don yan sey, d Inspector General of Police, Ibrahim Idris, kom appoint anoda Police Commissioner, for Lagos State wey dem take, replace, Mr, Fatai Owoseni.
As d tori kom dey, Mr, Fatai, don yan sey, him no know wetin dem dey tok, or person wey give dem d tori, dem carry, sey, na him still be d Lagos Police Commissioner, till wen IG, go give am paper.