Naija Men Senior Handball team bin don start dia campaign for d 2018 African Handball championship for Gabon yesterday wey dem kon follow lose 29-16 to Angola.

D team wey be sey na Michael Taanghar carry dem go as dia coach bin arrive for Gabon on Monday for d competition wey go end for January 28.

After dem lose d first half 13-5, Naija still fail to correct dia first half mistakes wey make Angola still kon flog dem well well for d second half.

Naija dey Group B with Egypt, Angola, Congo and Morocco. D first four teams for d group go qualify for d quarterfinals while d winners and runners up for d event go represent Africa for d 2019 world Mens Handball championship.



Please enter your comment!
Please enter your name here